Euskadi Ta Askatasunaren prentsa oharra.

Espainiako prentsak ETA eta ERCren arte-ko harremanen berri eman eta gero sortu den iskanbilaren inguruko Euskadi Ta Askatasunaren argibideak: 1.- ERC Kataluniako alderdia eta ETA Euskal Herriko erakundearen arteko bilera egin zela berresten dugu. 2.- Bilera horren diskrezioa apurtu izana ETAren borondatearen kontrakoa izan da. 3.- Bilera horren berri eman izana PPko Gobernuaren eta Espainiako Estatuaren zer- bitzuen erantzukizun osoa da. 4.- Euskal Herriko alderdi politiko, eragile eta baita kazetariei ere arduraz eta zuhurtasunez joka dezatela eskatzen diegu polizia iturrien gezur, zurrumu- rru, ipuin eta asmakeriei bide eman gabe. 5.- ETA eta ERCren arteko harremanak sala-tu dituzten alderdi eta eragileen jokabidea gaitzesten dugu. Bestalde, ETArekin harremanak izatea ukatu eta gero orain ERCren jokabidea txalotu dutenen hipokrisia salatzen dugu. 6.- Bilera horretan ETAk Euskal Herriaren askatasuna lortu eta gatazka konpontzeko bere borondate eta ildoaren berri emanez, Euskal Herriari buruzko bere ikuspegia helarazi zion ERCri. 7.- ETAk bilera horretan ez zuen inolako hitzarmenik adostu ERC alderdiarekin. 8.- Bilera horretan, ETAk herri zanpatuen arteko harremanei buruz duen bere ikuspegia helarazi zion ERCri. Gure ustean, harreman horiek begirunean, injerentziarik ezean eta elkartasunean oinarritu behar dira. Horren harira, aurrerago, hausnarketa osatuago baten berri emango dugu. 9.- ETArekin hitz egitea, elkarrizketatzea, iritziak trukatzea edo-ta hitzarmenak lortzea zigortzen saiatzen di-renek justizia, konponketa eta bakearen atea ixten dute. Eragile guztiei jakinarazten die- gu ETAren ateak beti bezain zabalik daude- la elkarrizketa bidezko gatazkaren konponketarako. Gora Euskal Herria askatuta! Visca Catalunya lliure! Euskal Herrian, 2004ko urtarrilean Euskadi Ta Askatasuna