¡VUELA ALTO, TOÑO!

Atzo goizean, urtarrilak 18, VANESSA eta LEIRE GÓMEZen aita hil da. Gaztetxoko begiraleak dira biak. Hileta-elizkizuna, gaur asteartea, arratsaldeko zazpi t´erdietan, gure Maria Auxiliadora Parrokian, izango da. Haren animaren alde otoitz bat egingo dugu. Goian bego.

Ayer, 18 de enero, falleció el aita de LEIRE y VANESSA GÓMEZ, monitoras de Gaztetxo. El funeral será hoy martes, 19 de enero, a las siete y media de la tarde, en nuestra Parroquia de Maria Auxiliadora de Intxaurrondo. Recemos una oración por su alma. Descanse en paz.


NIRE AITAREN ETXEA

Nire aitaren etxea
defendituko dut.

Otsoen kontra,
sikatearen kontra,
lukurreriaren kontra,
justiziaren kontra,
defenditu
eginen dut
nire aitaren etxea.

Galduko ditut
aziendak,
soloak,
pinudiak;
galduko ditut
korrituak,
errentak,
interesak,
baina nire aitaren etxea defendituko dut.

Harmak kenduko dizkidate,
eta eskuarekin defendituko dut
nire aitaren etxea;
eskuak ebakiko dizkidate,
eta besoarekin defendituko dut
nire aitaren etxea;

besorik gabe,
sorbaldik gabe,
bularrik gabe
utziko naute,
eta arimarekin defendituko dut
nire aitaren etxea.

Ni hilen naiz,
nire arima galduko da,
nire askazia galduko da,
baina nire aitaren etxeak
iraunen du
zutik.

- Gabriel Aresti